Hönnunin
Að hönnun húsanna á Heklureitnum koma tvær arkitektastofur, Teikna teiknistofa arkitekta og THG arkitektar. Var það gert til þess að auka fjölbreytnina í hönnuninni og sá önnur stofan um innra skipulag á meðan hin einbeitir sér að því að sjá um ytra útlit með því að skapa tilbreytni í uppbroti klæðninganna með litum og efnisvali. Um landslagshönnun sér síðan Lilja Filippusdóttir hjá Lilium teiknistofu.
Áhersla var lögð á að hvert hús hefði sinn karakter og sérkenni en eru síðan bundin saman með sameinandi þáttum í landslagshönnuninni. Til að hámarka birtu stallast húsið niður til suðurs, það ásamt gólfsíðum gluggum í flestum íbúðum eykur birtu innan íbúða.
Hér tala Freyr Frostason frá THG arkitektum og Jóhann Einar Jónsson hjá TEIKNA teiknistofu arkitekta ásamt Lilju Filippusdóttir landslagsarkitekt um hönnunina:
Framkvæmdin og skipulagið
Deiliskipulagið að reitnum eru fimm byggingar frá Laugavegi 168-174 sem verður byggt í áföngum. Fyrsta húsið sem nú er í byggingu er Laugavegur 168.
Skipulagið tekur mið af því að hámarka gæði staðsetningarinnar, hvað varðar skjólið frá holtinu, útsýnið sem er í allar áttir og sérstaklega í átt að Esjunni, vestur yfir borgina og austur í fjallahringinn. Einnig til suðurs í átt að Perlunni.
Götumynd verður endurbyggð í Brautarholti, Nóatúni og við Laugaveg. Við Laugaveginn verða þjónustu- og verslunarrými þar sem áætlað er að borgarlínan muni ganga framhjá. Nálægð við þjónustu og samgöngur gefur möguleika á bíllausum lífstíl en í kjallara verða bílastæðahús þar sem hægt er að aka út hvort sem er út á Laugaveginn eða Nóatún.
Örn V. Kjartansson framkvæmdastjóri Framkvæmdafélagsins Laugavegur ehf. segir hér frá helstu áskorunum og lausnum við hönnun og uppbyggingu reitsins: